kl:21,00 03|2012 Sawtalkurd
Beriya hevdîtina
Desteya Çavdêran hin girtiyên kurd bi hêviya berdanê ji Zindana Navendî ya
Hisiçayê ketine gireveke birçîbûnê ya vekirî
Bi dema serdana Desteya Çavdêrên Ereb ji Sûriyê
re, ya ku li gorî protokola di navbera desthilatdariya Sûriyê û Kombenda
Komarên Ereb de hatiye navişkirin, ku çavdêriyê li rewşa bajarok û bajarên
Sûriyê bike, hêzên ewlekariya Sûriyê û artêşa sûrî ya fermî karên kuştin, teror
û binçavkirinê li seranserî welêt berdewam dikin.
Hejmara girtiyan di zindanên rêjîmê de bi
hezaran e, ji bilî sedên girtiyan, yên ku ji beriya çend salan ve hatine binçavkirin.
Gelek rewşenbîr, nivîskar, siyasetvan û kesine din pêrgî kampaniyayên
binçavkirinê yên bê sedem û biryar hatin û di encamê de hemû di bin sîwana
Yasaya Rewşa Awarte û Yasayên Leşkerî de bi şêweyekî ne yasayî û rewayî hatin
sezakirin.
Bi berdewamiya kampaniyayên girtinê ji hêla
rêjîma ewlekar ve Tevgera Ciwan Kurd bihîst, ku hin girtiyên kurd ên kevn di
Zindana Navendî ya Hisiçayê de, ku sezayên wan ji 4-25 salan e, dest bi
gireveke birçîbûnê ya vekirî kirine, da ku hevdîtinekê bi Desteya Çavdêran a
girêdayî Kombenda Komarên Ereb re pêk bînin, bi hêviya ku hêzên ewlekar wan
serbest berdin, ji ber ku girtina wa bi şêweyekî ne yasayî pêk hati bû. Ji wan
girtiyan:
1-
Muzir Iskan Ehmed.
2-
Salih Temo.
3-
Nasir Mihemed.
4-
Rayid Elî.
Em di Tevgera Ciwanên Kurd de bangê li hemû
rêxistinên mafnas û mirovane yên navnetewî û Encûmena Mafên Mirov ya Netewên
Yekgirtî UNO dikin, ku biryarine lezok bistînin, da ku sînorek ji kiryarên
rêjîma Sûriyê, ji kuştin, teror û binçavkirinê re bê danîn, ji ber ku ev kiryar
rêmanên mafên mirov û rewayiya navnetewî binpê dikin. Herwiha em bangê li
Raspêrê Giştî yê Kombenda Komarên Ereb û hemû rêxistin û desteyên mafnas ên
girêdayî wê dikin, ku zextan li Desteya Çavdêrên Ereb bikin û wê bişînin
Zindana Navendî li bajarê Hisiçayê, da ku hevdîtinekê bi girtiyên kurd ên
girevdar re pêk bîne, da ku zûtirîn dem de bêne berdan.
Tevgera Ciwanên Kurd
02.01.2012