Tevgera civaka demokratîk ( TEV-DEM) ê da xuyakirin ku vê
sibê şemiyê 14/1/2012 emdamê kordînasyona ( TEV-DEM) ê Mehmûd
Remedan Mihemed
yê ku bi navê Xebat tê naskirin, piştî
ku çend roja li nexwaşxanê mabû jiyana xwe ji dest da, tê zanîn ku Xebat berya
çend rojan li Qamişlo rastî êrîşa çekdarî ji aliyê malbalta Ebdullah Bedro
hatibû.
kordînasyona Tevgera Civaka Demokratîk ( TEV-DEM) ê daxuyaniyek
da û tê de wisa got:
" Di va pêvajoya dîrokî ya nazik de ku têde pêdiviya me gelek
heye bi pêşeng û rêberên şoreşger ên ku karibin pêvajoyê bi rêvebibin û
bighînin serkeftin û azadiyê; gelê me yek ji kedkarên xwe ên şoreşger windakir,
xebatkarê ku 27 salan ji jiyana xwe di xizmeta doza gelê xwe de bihûrandibû li
ser çiyayên Kurdistanê û li hemû qadên xebatê ên curbecur îro jiyana xwe ji dest da, di vê
rojê de 14/1/2012 dilê heval Mehmûd
Remedan Mihemed (Xebat) rawestî bi encama birîndariya wî bi fîşekên malbatekê
ku ajantî dane pêşiya hemû helwestên welatparêziyê. Heval Xebat rastî êrişa
çekdarî hat gava ku xwestibû pirsgirêka dizî û destserdayînê bi Ebdullah Bedro
re yê ku li Qamişlo dimînê, çareser bikê"
Daxuyaniya
kordînasyona Tevgera Civaka Demokratîk ( TEV-DEM) ê wiha berdewamkir:
" Bi dilêş û xemgînî me bûyera şehadeta endamê kordînasyonaTevgera
Civaka Demokratîk heval Xebat wergit, lê bi rihê berxwedanê emê xebata rûmetê û
azadiyê li hember hemû rengên sêxuriyê û îxanetê bidomînin, û hemû hewildanên
ku bi destê xayîntiyê tên kirin ji bo têkbirina tevgera azadiya Kurdistanê emê
pûçderxin"
Kordînasyona ( TEV-DEM) ê sersaxî ji malbata şehîd Xebat û hemû gelê Kurd re xwast û bang li
hemû gelê Kurd li Rojavayê Kurdistanê û bajarên Sûriyê kir ku roja siba tevlî
merasîma cenazeya şehîd Xebat bibin.Kordînasyona ( TEV-DEM) ê wisa got :
" Siba roja yekşemê 15/1/2012
merasîma cenazeya şehîd Xebat wê
ji Bajarê Helebê destpêbike û wê seet 6:00ê sibehê bighîne bajarê TelTmir. Û
pişt re wê derbasî van bajarên Rojava bibe :Serêkaniyê, Dirbesiyê, Amûdê, Qamişlo, Tirbespiyê, Girkêlekê,û
Celaxa, û li dawiyê şehid Xebat wê li Dêrîkê di goristana Qebe Elîşêr de radestî
axê bibe, em sersaxiyê ji malbata şehîd Xebat re û ji hemû gelê Rojavayê
Kurdistanê re dixwazin û em bang li hemû gelê xwe ên welatparêz dikin ji hemû
deverên Rojavayê welêt ku tevlî merasîmê bibin û dilsoziya xwe bi giyana
şehîd Xebat re bînin cih wek şehêdê
rûmeta netewî û şehîdê azadiyê"
kordînasyona Tevgera Civaka Demokratîk ( TEV-DEM)